أرشيف مدونة رابطة الكتاب العرب على الفيس بوك

الأربعاء، 29 أغسطس 2018

عارف

عماد الدين محمد يكتب /...........
عارف
قصيدة 
للشاعر / عماد الدين محمد
             عارف
      لما تكون خلاص
     كل شىء شايفه 
       أصبح عادى 
  لما النهار يشبه الليل 
  والنجوم مش دليل
 والحقيقية زى الزيف 
 والصدق كلام ممنوع
    لما تكتر الجروح
       وبرغم الألم
        بطلت تبوح
            عارف
   لما كله يبقي عادى
 واللى جاى زى اللى راح
     وتشابه عجيب
   بين خطوط الزمن
 رغم كل اللى حوليك
وكل كلمة بألف صوت
             ساكت 
              ناسى 
             خلاص 
    ما راح تفرق كتير
    حلم مات ولا رحيل
    من صح ومين غلط
             عارف 
           كل عادى 
     إيه يفيد مهما أقول
     إيه يكون غير الندم
          حتى السؤال 
      اللى كان على البال
        أصبح زى العدم 
     لما تكون عارف تمام
     إنك صح وهم الغلط
   تنصح تحلم تكابر تعافر
    تصاحب تداوى تعاند
     حتى كلام الكتاب
   سار يفط  على كل باب
      حتى حكاوى زمان
      والعادات واللى كان
   موضة قديمة من زمان
    وساعات من كتر الألم
  تبقى ناوى على الرحيل
        تهجر كل الزمن
              عارف
      ما بقيتش عارف 
     هم مين و أنا مين 
شكلي لكن ما بيشبهوني
        نفس اللغة 
  لكن ليه ما بيفهموني
             عارف
           كله عادى
 واللى راح زى اللي جاى
   والحلم فارق المنام
والصدق غاب عن الكلام 
              عارف
ما بقيتش عارف هما مين
     أما أنا فى غربتي
      راحل من سنين
    حتى إني ما بقيتش
               عارف
     هما مين وأنا مين ؟
             عارف .
الشاعر
عماد الدين محمد
الاربعاء٢.١٨/٨/٢٩
3:15 Pm

ليست هناك تعليقات:

إرسال تعليق