أرشيف مدونة رابطة الكتاب العرب على الفيس بوك

الثلاثاء، 2 أكتوبر 2018

(((( حلم بعيد. ))))




الشاعرة/ الهام عفيفي / تكتب
*****
حلم بعيد
=========
ومهما تقول ومهما تعيد ..
ومهما تجيني تهاديني
هايفضل قلبي حلم بعيد
على عيونك.. ده تكويني
وماتفكرش لا مالك
ولا سلطة بتغريني
قلوب العاشقين غالية
ولا يساويها ابدا مال
يادوب احساس وكام غنوة
ترد بحب اي سؤال
ولا مالك يصحي قلوب 
ولا يخلي عيوني تدوب
دي لمسة شوق بحنية
تودي الروح يمين وشمال
وانا قلبي يادوب عصفور
وحلمه طاير في السما
يلقط من نجومها النور
على شجرة من الجنة
ينام ليلة في حضن حنون
على اغصان شجر حنة
ويصبح في هنا وسرور
يلاقي الدنيا نور وجمال
وبعد الحيرة والتوهة 
يبدل له في لحظة الحال
=========
الهام عفيفي

ليست هناك تعليقات:

إرسال تعليق