أرشيف مدونة رابطة الكتاب العرب على الفيس بوك

الأحد، 7 أكتوبر 2018

(((( انا النهضه قتلوها. ))(





الشاعر/ سامح بلال / يكتب
*****
انا النهضه قتلوها
وانا العلم اللي كان راية

انا الفكرة وانا والبصمة
وكان لي ف التاريخ صفحه
 والف حكاية وحكايـــة

بقيت مكسور وكلي دموع 
وكاتم ألمي جوايا 

بقيت واقف محلك سر
عشان عايزيني اكون ساكت

ومتكلمش ولا عدلش
ولا اسأل ليه البلد خابت

وعايزين كله يسمع بس
وكله بجهله فيها ثابت

نتطور بس ف الأحلام 
وقصص الطفرة وهميه

بتسمع كل يوم كدبه
والف حكاية وردية

وتنزل للواقع تبكي
على الصحه وع التعليم
و أحوالنا اللي مش هي

تشوف أجيال قتلها القهر
وفاض الكيل ف حكاويها

كانت أول دفع ف العلم
وتاهت منها خطاويها

وناس فاشلة بقت راية 
وسايقة الدولة بما فيها

قولولي ازاي هننهض بس
ف دولة العلم سبوبة
وسايبين جهلة تبنيها 

#سامح_بلال

ليست هناك تعليقات:

إرسال تعليق