أرشيف مدونة رابطة الكتاب العرب على الفيس بوك

الجمعة، 5 أكتوبر 2018

{شهد العمر}

الشاعره/غادة عثمان تكتب /.....
شهد العمر
_________
 يا بنتي يا حتة من قلبي
يانور ليلي وشمس نهاري
يا أختي وصحبتي وبنتي
يا وردة معطرة داري  
يا نسخة صغيرة مني
يا مخزن كل أسراري  
يا أحلى حاجة حصلت لي 
يا أغلى ما ربنا  إداني
يا نور عيني وفرحة عمري   
يا شهد يحلي مر زماني 
بشوف الضحكة ف عيونك 
فى لحظة أنا بنسى أحزاني
وإن شفت دمعة بجفونك 
 يتقطع قلبي في ثواني 
ياريتني أقدر أخبيكي
 فى قلبي من عيون الناس 
وأحوش عنك أذى الدنيا
 يا أغلى م الدهب والماس 
يا طعمة و هادية وحنونة
 يا رقة يا مملكة إحساس
ياريت يجري الزمان بية 
وأشوفك عروسة بالطرحة
 مش عارفة يومها حاعمل إيه 
 وإزاي حاتحمل الفرحة ...

بقلمي #غادةعثمان

ليست هناك تعليقات:

إرسال تعليق